قبل كل شئ ياريت تدعولي ربنا يثبت حملي ويرزقني بالطفل السليم المعافى انا وكل حامل ويرزق كل مشتاقه ياااااااارب
انا بقالي خمس شهور متجوزه وبصراحه جوزي بيقولي احلويتي بعد الجواز وفعلا انا ملاحظه ان بشرتي وشعري اتعدلوا ماشاء الله دا غير ان شعر جسمي بقى خفيف عن الاول بس دا اثناء الحمل
انا الاول حطمنكوا فحاجه وبعدين اقول الوصفات السهله الي حتغيرك ان شاء الله
بالنسبه للتطمين بصي يا فتوكه منك ليها سبحان الله انتي اول ما تتجوزي والله حتلاقي نفسك احلويتي عن الاول كتيييييير كدا من عند ربنا وحتلاقي نفسك موزه طبعا مع اللبس المغري الي مكناش بنعرف نلبسه في بيت بابا والاهم من دا كله جوزك والله حيشوفك احلى واحده وكمان موضوع المناطق الغامقه الي في منطقة البكيني الي دايما شاغلانا والله ولا حتفرق معاه ولا حياخد باله منها اصلا وخدي بالك ان الرجاله عندهم المنطقه دي غامقه زينا يعني لا تعايرني ولا اعايرك الهم طايلني وطايلك
بس طبعا لو فيه غمقان تحت الابط دا يتعالج احسن عشان المنطقه دي دايما مكشوفه
انا كدا خلصت التطمين نخش على الوصفات الي حتخليكي دايما موزه بشهادة جوزي
اولا بالنسبه لشعرك كانت فيه فتوكه هنا ربنا يكرمها كتبت على وصفه للشعر من اروع ما يكون والله لاني جربت زيوت كتييييييييييييير وماسكات ونخاع وكل الي قلبك يحبه وبصراحه ولا حاجه عجبتني زي الماسك دا بجد تحفه بيشيل الهيشان خالص وبينعم وبيشيل التقصيف زي ما قالت بس انا كان اهم حاجه عندي الهيشان لاني بكوي شعري على طول وكنت بلاقي ارايل انما دلوقت والله مفيش شعر واقف وغير انه طري ومش بيتكسر على طول
الماسك 2 معلقه عسل اسود +2معلقه زيت زيتون+2 معلقه زيت دره الي هو بتع الاكل+2معلقه بديل الزيتانا اوقات بستبدله بحمام كريم وتسبيه ع شعرك ساعه او اكتر انا اول مره سبته تلت ساعه وكانت النتيجه جميله والله وعملته مرتين في الاسبوع اول اسبوع وبعد كدا بعمله مره في الاسبوع
ودا شكل بديل الزيت بس انا بستعمل بردو نوع من الو ايفا حلو جدا حتى لو مش استخدمتيه عادي للشعر مش بينشف زي بانتين
المره الي بعمله فيها بغسله بشامبو خفيف وتاني مره بغسله بيبقى حمام كريم بس
تاني حاجه انا مش عاوزاكي تستغني عن زيت تحفففففففففففففففففففففففففففه اسمه ليندو والله يابنات بينبت الشعر جدا وبينعمه جداااااااااااااااا وبيحافظ عليه وبيخلي ريحته على طول حلوه والله انا بقالي سنه وشويه من ساعة ما جبته مش بستغنى عنه العلبه ب55 جنيه بس بتقعدر بتاع سبع او تمن شهور او اكتر كمان بس في نوعين نوع مكتوب عليه انتاج شركة ماكرو جروب لمستحضرات التجميل والتاني مكتوب عليه انتاع ماكرو جروب انترناشونال لمستحضرات التجميل هاتو الي مكتوب عليه ماكرو جروب بس لان دا الي جاب نتيجه معايا وكمان رحته احلى بكتير
ودا شكله
دا بستعمله ازاي اول ما اطلع من الحمام بدهن فروة راسي من قدام عشان ميقعش وينبت ورشه خفيفخ على ايدي اعمل بيها شعري كله وكل يوم بعمل كدا والله شهعري تاني يوم بيكون اه مفرود بس ناشف اول ما بحطه والله بلاقي القصه ساحت خالص
ملحوظه:
ولو انتي بتكوي القصه على طول زي حالاتي لازم تجيبي بالمرز لكوي الشعر دا ب 25 وبيقعد ممكن سنه دا لما بحط الزيت بحطه على شعري كله لحسه صغيره وبعدين بكوي شعري والله انا بقالي سنين يكوي القصه والحمد لله محصلهاش اي حاجه (للناس الي بتخاف من الكوي مانتي لازم تدلعي جوزي ويشوفك موزه على طول) انا بستعمل البيبي ليس الحمرا
ولو انتي شعرك من قدام وقع او قورتك عريضه وعاوزه تنبتيها تجيبي مع زيت ليندو كريم اسمه بروتي كير من الصيدليه وتحطي منه كل يوم الصبح وتدعكي الفروه او قورتك من قدام وزيت ليندو كل يوم بليل
والله انا كان مكتوب كتابي قبل الجواز وجوزي بيقولي انتي كانت قورتك اعرض من كدا ماشاء الله والله نبتت كتييييييييييييير ودارت القوره والله انا مكنتش ابدا برجع شعري لورا دلوقت برجعه لورا على طول وجوزي بيقولي كدا احلى عليكي المهم الكريم دا ب25 جنيه وبيقعد بردو بتاع 7 شهور هو اه صغير بس انتي بتاخدي حته نونو بس
انا الروتين بتاعي بالنسبه لشعري اول ما استحمي (مره بس بشامبو والباقي بحمام كريم فاتيكا بالنسبالي احلى نوع) بحط زيت ليندو وبعدين كريم بالمرز واستشوره ع خفيف بيكون ماشاء الله بقى ناعم بسبب الماسك بتاع العسل الاسود وهو الاول مكنش كدا كان لازم بعد ما استشور اكوي ..المهم وتاني يوم لو احتاج مكوه بكويه دا للقصه بس الباقي بخليه نكيش
بالنسبه بقى للبشره بصي يا فتوكه سيبك بقى من كل الكريمات الي عندك دي تمامااااااااااااااا واستعيني بكريم واحد بس والله مخلي بشرتي ماشاء الله دايما حلوه وحتى جوزي دايما يقولي كدا مع اني اكبر منه بسنه وتمن شهور واكبر من اخته الي هي اكبر منه مع ذلك بشرتي احلى منها وكمان خليت اختي تجيب الكريم دا خلى بشرتها حلوه جداا
المهم اسمه كير باي كير ب15 جنيه والله روووووووووووووووووعه وبيقعد شهووووووووووور بيصفي الوش وبيشيل الحبوب واي اثار وبيقاوم التجاعيد وكمان لو عندك حروق او تسلخات او التهابات ممكن تحطيه ليكي او لطفلك لانه اساسا بتاع اطفال والله الي دلتني عليه فتوكه برود هنا يارب يحققلها الي بتتمناه
المهم اول ما بصحى بحط الكريم دا بيخلي وشي رايق جداا وصافي لدرجة اني بطلت احط كريم اساس وبحطه وانا خارجه بلييل طبعا
بالنسبه للصبح لو خرجتي لاااااااااااااااااااااااااااااااااااااااااااازم كريم ضد الشمس دا مهم جداااا لان لو محتطيش حتشتكي من كل عيوب البشره من حبوب بقى وتجاعيد ولون مش متوحد ووووووووو انا بحط نوع اسمه برج ب50 جنيه تقريبا بيقعد زيادع عن سنتين وشويه معايا ولما بحطه بحط عليه بوردة اطفال عشان يمتص الرطوبه والله بيبقى وشي رايق وكويس ومش محتاج كريم اساس لاني كنت مدمنه بودره مائيه
بالنسبه للشتا انا مش بحط الكريم دا لوحده عشان بيكون وشي جاف جدا والكرم دا مش بيطريه لوحده بحط معاه فيتامين e و a بجد حلوين
بالنسبه للصنفره حاولي يومين في الاسبوع تستحمي بميه سخنه وتستخدمي الليفه المغربيه من غير اي صابون وانتي تحت الدش تدعكي جسمك كله بما فيه وشك بس براحه جداااا وادعكي جسمك كويس ومنطقة البكيني وكف ايدك ورجلك كويس عشان لو في اي علامات مع الوقت تروح عشان انتي كدا بتشلي طبقه خفيفه جدا كل مره بتخف
المهم يومين في الاسبوع تدعكي وشك براحه بالليفه ومتنسيش شفايفك ومش حتجتاجي والله اي ماسك بعد الصنفره والكريم وكمان لو خرجتي لازم لما تيجي تغلسي وشك بغسول كويس يشيل كل التراب وتمسحيه باي تونر بيشيل اثار التراب انا عن نفسي بستخدم غسول كلين اند كلير الرغوي بجد تحفه بيشيل التراب جداا وبيشيل والله الحبوب دا كلام جوزي وبعدين بستخدم سائل كلين اند كلين الاحمر دا دا في حالة الرطوبه العاليه او لما بكون خارجه بستخدم الاتنين عشان يشيلوا اي تراب او دهون من على الوش
الغسول ب 20 تقريبا والسائل بعشره
بالنسبه لجسمك ورجلك زي ما قلت مرتين في الاسبوع بتغسلي جسمك بالليفه المغريبه وانا شايفه انها مش كتير لانك مش بتفتري على جسمك انتي بس بتشيلي الوساخه اول باول لان الليفه العادي مش بتشيل
طبعا انتي حتلاقي كعب رجلك باش طبعا كل مره حتدعكي دعكه خفيفه بالحجره والله مع الوقت مش حتلاقي شقوق خالص ومش حتحتاجي بديكير
نصائح اهم من الموضوع ذات نفسه
طبعا في الشتا بتدهني جسمك بعد كل حمام بزيت انا بستخدم زيت الاطفال زبحط عليه جلسرين بيخلي الجسم طري ومسكر اصل الجلسرين مسكر
لو عندك علامات في ايدك من حرق او رجلك من الجزم استعملي كريم التقشير امسه تريتسبوت جميل جدااااااااااا وبيشيل العلامه والله بس لو حامل او بترضعي ممنوع الكريم دا بعشره تقريبا والطريقه مكتوبه في العلبه
بالنسبه للنضافه ودي اهم حاااااااااااااااااااااااااااااااااااااااجه في الجواز والله انا بشوف بنات متجوزه وريحة عرقها يقرف طبعا انتي جوزك مينفعش شيم منك ريحة عرق ابداا انا كنت جايبه اتنين لما اتجوزت ممكن واحد في الشنطه وواحد على التسريحه او بلاش الي في الشنطه وحطي واحد جمب السرير عشان لو يوم نسيتي انا بستعل اسبراي نيفينا وريكسونا البكر بس نيفيا حلو جداا الاسبراي الكبيره ب25 جنيه ولو بكر ب 18 تقريبا بس والله بيقعدوا شهووووور
بالنسبه للمنطقه الحساسه لازم تستعملي كل يوم غسول ودا مهم جداااااااااااااااااااااا عشان ريحة المنطقه الحساسه انا بجيب نوع اسمه ريفاريست حلو جداا ب16 جنيه دا بجيب مثلا ازازة الفيري واحط منه غطا والباقي ميه بعد طبعا ما اغسلها كويس ولما بخش الحمام كل مره بتشطف اخد حبه واتشطف بيهم من بره بس وطالما من بره ان شاء الله مفيش ضرر وبيقعد بردو شهووووووووووووور
مرتين بقى في الاسبوع تحاولي تدخلي ايدك وانتي بتتشطفي دا لما تتجوزي ان شاء الله
ولازم طبعا قبل ما تتجوزي تتعالجي لو عندك افرازات او اي ريحه غير مرغوب فيها
والاهم من الغسول انك تنشفي المنطقه كويس بعد كل حمام والله الموضوع دا مهم جدااااا لان وجود الميه مع منطقه مكتومه مع العرق بيعمل ريحه نفاذه والله بتبقى قريبه من النتانه والله اوقات كنت بشم اندر ناس من على بعد بسبب قلة النضافه وان الاندر بيتغير كل فتره طويله انا مش حقولك كل شويه بس حاولي مرتين في اليوم او حسب ماتلاقيه اتغير ريحته او عليه افرازات يعنيممكن مره في اليوم كفايه حسب كل واحده واول ما تيجي من بره لازم يتغير
لو عندك ريحة عرق غريبه زي مانا كنت بحس مع اني حطيب كل انواع الموزيلات اعرفي ان عندك بكتيريا عليكي وعلى الخل وياحبذا لو خل تفاح افضلي لمدة اسبوع او اكتر ادعكي تحت الابط بخل مرتين في اليوم والله الريحه الغريبه دي حتختفي تماما ودا كان كلام دكتوره في التلفزيون
بالنسبه لرجلك لو عندك نقط حمرا حطي بردو خل والله انا بعد ما اخلص سلكابيل بحط خل والله خفت كتييييييييير النقط وبقت رجلي موز
بالنسبه للمنطقه الحساسه انا بعملها بسلكابيل على طوووووووووووول ومش بتوجع خالص ودا لاني اول ما الشعر بيطلع حتى لو شعرتين بشيلها على طول انما لو سبتيه يطول ربنا بجد يعني ويعينك طبعا عارفين بيبقى قد ايه الم وبالذات لو حملتي فعشان تخلصي من القصه دي خلي ايدك في المنطقه دي بالسلكابيل على طول
المهم الملخص
1_ماسك لشعرك في الاسبوع مره بالاضافه لدهن الشعر كل يوم بزيت ليندو
2-استخدام كريم كير باي كير للبشره
3-غسل الجسم كله بالبشره ومتنسيش كعب رجلك مرتين في الاسبوع بالليفه المغربيه
4-استخدام غسول كلين اند كلير في الصيف كل يوم في الشتا في الاسبوع مرتين عشان بينشف الوش ودي بيشيل التراب والدهون تماما من الوش
خطوات بسيطه حتخليكي زي القمر
اخر دعوه بقى ربنا يهدي امي وجوزي واهل جوزي
